شئ محبط للغايه

موضوع: شئ محبط للغايه الخميس مارس 31, 2011 8:54 pm

اعزائى و أخوتى أعضاء المنتدى
الجمله دى فى صفحة لوحة التحكم "لا يوجد لديك أي موضوع جديد مشترك به ليتم عرضه في هذا المجلد " أصبحت هى الأكثر مشاهده ، و هى عباره عن عامل يأس و إحباط

ازاى؟!
كل عضو لما بيشارك بموضوع بيكون منتظر و بلهفه و تشوق لتعليقات زملاءه الأعضاء ، و السمه الغالبه على جميع المنتديات العربيه هى عدم التعليق أو نقدر نقول ندرة التعليقات علشان بلاش نظلم الناس اللى بيحبوا يعلقوا على المشاركات

كل عضو تقدم بمشاركه بينتظر تقدير الأعضاء لمشاركته علشان يكون حافز ليه انه يقدم مشاركات تانيه و تالته و عاشره و كل ما المشاركات تكتر يبقى الفايده اللى ممكن نحصلها أكبر حتى لو كانت المشاركات منقوله ، على الرغم إنى ضد النقل فى بعض الأحيان ، لكن المشاركه فى حد ذاتها مسئوله عن تنمية روح المساهمه عند أى حد بصفه عامه

المفروض ان كل عضو دخل مشاركه يقول رأيه فى الموضوع ، سواء كان الموضوع عاجبه أو مش عاجبه ، و لما كل واحد يقول رأيه صاحب المشاركه هيكون حصل على وجهات نظر كتيره و يقدر يقيم موضوعه و فكرته و كمان لما الأعضاء يعرفوا رأى بعض عن الموضوع أعتقد إن الذوق العام و حس النقد و التوجيه هيتم تحسينهم يشكل كبير

ياريت توعدونى بينكم و بين نفسكم كده انكم لما تدخلوا مشاركه هتقولوا رأيكم أو تعبروا عن احساسكم بالموضوع بكلمه أو جمله بسيطه ، صدقونى مجرد التعبير بكلمه له أثره على صاحب المشاركه و عليكم انتم شخصيا

مش هطول عليكم اكتر من كده ، أنا حبيت بس انقل لكم وجهة نظرى ، و لكم التقدير

تحياتى للجميع